ХIурматиял школалъул х1алт1ухъаби, тIолалго росуцоял!

Гьале нилъеца тарихалъубе регIана иргадулаб 2019 сонги ва дандчIвай гьабулеб буго 2020 соналъулгун. Араб сон букIана нилъер гIумруялъулъ хиса-басиял ккараблъун.

Лъугьайги нилъее тIаде бачIунеб сон баракатаблъун, рохел гьарзаяблъун, рекIел анищал тIуралеблъун, цIиял бергьенлъабаз нилъ рази гьарулеблъун.

  Гьарула нужее киназего щулияб сахлъи, халатаб гIумру, хIалтIулъ бергьенлъаби.

  Божи ва хьул буго ЦIияб соналъги щибаб хъизаналъе сайгъат гьабилин талихI, щибаб рукъалъе хинлъи, щивав чиясе сахлъи.

   Рагьдухъ рещтIун ЦIияб сонгун бук1аго бокьун буго дирго рахъалдаса ракI- ракIалъ баркизе росдал тIолалго гIадамазда ЦIияб соналъул байрам. Гьаризе щивав чиясе цIияб талихIгун рохел. Риччанте тIуразе щивасул рекIелъ ругел лъикIал къасдалгун мурадал, лъикIлъизе гIумру-яшав, бугелда баракат лъезе, тIаде рачIунел нигIматал гьарзалъизе.

   Биччанте, ЦIияб 2020 сон букIине ургъел-балагьал рикIкIалъараблъун, ракълилаблъун ва талихIаблъун, рос-лъади, хъизан-лъимал, тIолалго гIадамал цоцада ричIчIараблъун, нилъеда церечIарал масъалаби тIураялъе, школалъе ва гьелъул колективалъе гIумру-яшав лъикIлъиялъе гIоло киналго нилъ гъункулеблъун ва цолъулеблъун.

   ЦIияб соналъ кинаб нухккун нуж унел ругониги, дандчIваге абе нужеда ургъелгун балагьал, къварилъабигун захIмалъаби. Гьарула нужер щивасе щулияб сахлъи, рекъел, хъизан- рукъалъулаб талихI, икъбал. ЦIияб сонгун, цIияб талихIгун, хIурматиял ва хириял росуцоял!

Баркигун школалъул директор Мух1амадов Саг1ид